米奇廚師餐廳 (Closed)

雖說我地入住Disneyland Hotel，但book房時那小姐提議因我地booked了Disneyland Hotel樂庭園dinner buffet，提議我booked早餐就試下 Hollywood Hotel 呢邊的自助早餐；除了沒有卡通人物相伴，其實食品差不多．颱風來得快去得快，一覺醒來，已經由八號變成三號，由Disneyland Hotel 去 Hollywood, 坐酒店的穿梭巴士好方便， 就算三號風球都吳使用傘．整間餐廳環境不錯，周圍都有米奇的佈置，就算餐具都用米奇特色的碟．令人食得愉快．侍應都非常主動不停替我地添coffee. 自助早餐的食物，中西日式各式各樣都有，兼顧到各國的遊客口味．淨係蛋都有幾款，’霎’蛋啦，菴烈啦，煎蛋啦，炒蛋啦．麵包糕點有西又有中．、另外又有蝦餃、燒賣、小籠包、叉燒包，特色的米奇窩夫，pancake, 炸魚柳、基本的沙津冷盤．　另外更有數款粥，配備數款配料，自由配搭．果汁都有三款。而家大部份酒店buffet都用開放式廚房，廚師同客人都可以睇到大家，咁廚師亦可以好快就知道的食物供應，確保供應。真係好喇!以$148一位呢個價錢，有咁多選擇都正常．