超級自助壽司店 (Closed)

壽司拼盤司令見到壽司檔前有一盒盒既壽司，咁岩又想食下啲生冷野，就買左一盒有花之戀、帆立貝壽司同三文魚腩壽司拼盤嚟食下。花之戀啲蛋黃醬超多，三文魚都有肉地，食落多重口感。帆立貝壽司，司令最期待係個帆立貝，雖然唔腥，但司令食唔到鮮甜味，而且唔大粒，咬落冇咩口感，實屬可惜。三文魚腩壽司，三文魚腩咬落煙韌，有口感，而且又鮮甜！三文魚夠新鮮同口感厚實，三文魚腩算係多油脂，所以呢，呢個三文魚腩，抵讚呀！睇到其他食評話員工態度麻麻地，不過可能司令由選壽司到比錢只係幾分鐘，所以覺得佢地態度都可以。