Video
Read full review
2015-05-24
1488 views
如果成日去荷里活廣場嘅人都應該知道，荷里活有個三煞位，就係二樓中間近麥當奴隔籬兩個舖嗰個角落頭位。由荷里活開嘅第一日開始，大大話話轉過十手人，間間都做唔長，印象中做過中菜、日本餐、別府、韓國餐，記都記唔晒咁多間開過亦執咗嘅食店。作為三煞位嘅新主人，本住食得一次就一次嘅心態去食莆田，驚佢執咗都未試過好唔好食。點知，依個月已經食第二次。莆田自稱是「來自新加坡的福建菜」，我未去過福建，我去新加坡又無留意過有間莆田，不過，只可以講，香港依間莆田，好鬼好食。先嚟兩碟前菜，花生一直唔係我所好，所以我無食，但紫菜有，碟紫菜腍咗，食咗兩條唔係好對路，佢再換碟嚟，第二碟先正常嘅脆口。跟住就點咗以下幾道菜：酥炒芋頭（$88）即係反沙芋頭，好味，甜度適中，芋頭料靚夠粉，好味莆田滷麵（大$156）我認為當天最出色的菜色，湯底非常好味，味濃但不咸，配料有蜆、蝦、菜、冬菇等，麵是用他自家造的麵，不軟不硬，配這個湯非常夾，最終我包底食晒連湯都飲埋。正。藥膳竹筒蝦（$48）我唔知好唔好食，我淨係知去完洗手間返嚟就食晒，皇后話淨低張相比我回味。。。oh my god.....黃金荷葉包（$28/個）有啲似饅頭嘅包，上面
作為三煞位嘅新主人，本住食得一次就一次嘅心態去食莆田，驚佢執咗都未試過好唔好食。
點知，依個月已經食第二次。
莆田自稱是「來自新加坡的福建菜」，我未去過福建，我去新加坡又無留意過有間莆田，不過，只可以講，香港依間莆田，好鬼好食。
先嚟兩碟前菜，花生一直唔係我所好，所以我無食，但紫菜有，碟紫菜腍咗，食咗兩條唔係好對路，佢再換碟嚟，第二碟先正常嘅脆口。跟住就點咗以下幾道菜：
酥炒芋頭
$88
82 views
0 likes
0 comments
即係反沙芋頭，好味，甜度適中，芋頭料靚夠粉，好味
莆田滷麵
$156
99 views
0 likes
0 comments
我認為當天最出色的菜色，湯底非常好味，味濃但不咸，配料有蜆、蝦、菜、冬菇等，麵是用他自家造的麵，不軟不硬，配這個湯非常夾，最終我包底食晒連湯都飲埋。正。
藥膳竹筒蝦（$48）我唔知好唔好食，我淨係知去完洗手間返嚟就食晒，皇后話淨低張相比我回味。。。oh my god.....
黃金荷葉包（$28/個）有啲似饅頭嘅包，上面配芝麻，打開後將用特製醬料炒的肉絲放入去，即係麥記早晨全餐嘅福建版，異常地好味，包外脆內軟，配合有少許過咸的炒肉絲剛好平衡返，好好味。但有個問題，食晒幾個包都一定有肉絲淨，但齋食又太咸，太飽又唔會叫個白飯去送飯，嘥晒呀。莆田燜豆腐（小$88）
用類似豆渣做底，再加蝦米、冬菇、瑤柱、肉碎等食材煮成，賣相雖然一般，但味道香濃，豆非常香，值得一試
鐵板蟶子
$98
82 views
0 likes
0 comments
鐵板上放滿鹽巴，放排上十二隻小蟶子。Well，只可以講賣相比味道出色。我食咗兩隻就放棄咗。蟶子不夠鮮味，若黏到鹽巴再放進口又變得咸。
食店環境舒服，座位亦舒服，而收了$8一位的茶是用菊花泡的，很好喝。而服務亦不錯，偶有錯但態度誠懇道歉，可成為食堂之一。
真心希望莆田可突破這個三煞位的魔咒。
Post
