Bread Street Kitchen & Bar (Closed)

知道Bread Street Kitchen & Bar喺山頂凌宵閣開張，急不及待約左幾個朋友黎朝聖。雖然山頂纜車維修緊，但喺金鐘站搭X15巴士上黎都好方便，25分鐘到就一站到達👍🏻先講最期待啲菜式——Beef Wellington ($888/4件)。呈粉紅色嘅牛肉由一層香香嘅蘑菇包裹住，外層配上金黃色嘅酥皮，整體口感及層次分明，口味出色。牛肉鎖緊肉汁，每口均軟腍而肉味香濃，果然名不虛傳👍🏻蘑菇用左不少香料調味，每啖都甘香可口，同牛肉好夾！如果有道菜係淨菇我都想食！😍另外，菜式附上牛骨髓蠟燭，用燒熱嘅牛骨髓伴beef wellington 黎食，將味道推上高峰！另外，我地亦叫左牧羊批、fish & chips等典型英國菜式。肉批嘅羊肉味好香，配上薯蓉、菜等材料，味道很好，而且十分飽肚。Fish & chips嘅魚塊超級大塊，魚肉好滑，外層脆卜卜。最後，我地選擇apple pie同toffee pudding黎share。兩種甜品性價比極高，份量非常generous。個人較中意apple pie，外層焗得好甘香，內裡就有大大粒嘅蘋果，整體口感豐富，味道唔會過甜，十分推介！