王家沙 (Closed)

屋企人食飯唔知點解咁鍾意食中式野，仲要食上海野佔多數，好不適合我既鬼仔性格。食得上海野一定指定動作食小籠包，皮唔算薄但係包既湯汁夠多，今次我醒呀，無俾湯汁辣親。點埋薑絲加醋，味道一般，包裡面舊肉可以細返少少方便女士口型。京蔥爆牛肉，京蔥味夠香，味說夠濃搶去牛肉呢個主角既行風頭，反而牛肉味不太突出，食落似乾炒牛河既牛肉味。甜品有高力豆沙，唔係度度有得食，呢度既頗有水準，沾滿沙糖既外貌好吸引我，外皮炸得夠鬆軟，豆沙咸就甜左少許不過可以接受。呢味係我推介既。