十里

Open Now

Now Closed

同朋友黎食金秋大閘蟹饗宴，有上海菜之外，又有時令大閘蟹🦀金秋大閘蟹饗宴 $568/位♡ 前菜三拼 花雕醉雞、陳醋一口海蜇花、櫻桃鴨肝一碟三款精緻前菜，醉雞夠經典，海蜇花同鴨肝都好精緻海蜇爽口彈牙、鴨肝做工細緻，味道甘香唔膩，好味又有儀式感♡ 湯品蝦籽蟹粉燉獅子頭🦀獅子頭係一大個豬肉球，有蝦籽同蟹粉混入豬肉當中，配上清湯有啲雲吞雞嘅感覺♡ 主菜清蒸大閘蟹🦀大閘蟹係呢餐重點，隻蟹足足有5両，岩岩蒸起熱辣辣裡面係金黃色嘅蟹膏同鮮甜嘅蟹肉，好滿足藤椒魚子醬香煎刺身帶子（微辣)呢個係我最深刻嘅菜，帶子質感好豐厚，咬落有彈性，配上帶川味嘅藤椒同魚子醬，配搭新穎又好惹味黃金蝦球以鹹蛋黃沾滿全隻大蝦，鹹蛋黃好濃郁，大蝦口感彈牙，好新鮮♡ 金銀蛋小菠菜苗以金銀蛋伴上湯煮小菠菜苗，好健康♡ 點心特製蟹粉小籠包🦀小籠包比較大隻，相對皮都較厚，外層口感帶煙靭，裡面嘅湯清甜得黎唔渴喉，蟹粉味突出♡ 甜品薑茶卵石湯圓食完蟹要飲返杯薑茶，呢度就有薑茶配卵石湯圓湯圓皮係黑白交雜顏色，包住奶黃餡料，咬開時要小心，餡料會多到爆出黎餐廳最後送咗一盒好幸福薑萡同$5萬寧現金券俾我地。