Video
Read full review
2018-09-25
147 views
生蠔呢樣嘢, 即使鍾意食都唔係成日蠔得起！ 就算撇除荷包負擔, 更擔心嘅係腸胃負荷唔嚟。所以揀蠔吧一定係安全至上！呢間8蠔吧, 有蠔王John坐鎮, 開蠔快！靚！正！不在話下, 最重要嘅係亞John嘅一招極速反蠔, 原來開蠔後將蠔身反轉, 除左令生蠔更有美感, 大家食得方便之外, John更會同時檢查蠔身, 確保生蠔新鮮安全。有佢為大家把關, 咁先食得滿足又安心！呢度嘅生蠔原裝法國入口, 全殼即開即食, 鮮度十足。食生蠔都係學習嘅過程, 食蠔經驗唔多唔緊要！老闆教路按質素低至高、味道淡至濃, 品嚐第一款生蠔後, 因應個人接受程度, 第二款加入檸檬汁中和海水鹹味, 調出最適合自己嘅口味, 最後一款灑上黑胡椒帶出鮮味。今日三款生蠔KYA Marine, Poesie, Majestic隻隻都飽滿水潤, 其中Majestic最為鮮甜, 蠔味突出, 令人印象深刻。 法國青口Size比較細, 但肉質非常嫩滑, 同白酒忌廉汁係天作之合。香噴噴嘅蒜蓉包同時送到, 入口酥脆而不乾硬, 用嚟點忌廉汁一流。美國頂級嫩腰眼牛扒肉同脂肪嘅比例均勻, 表面煎封鎖住肉汁, 點medium就啱啱好。伊比利亞西班牙黑
呢間8蠔吧, 有蠔王John坐鎮, 開蠔快！靚！正！不在話下, 最重要嘅係亞John嘅一招極速反蠔, 原來開蠔後將蠔身反轉, 除左令生蠔更有美感, 大家食得方便之外, John更會同時檢查蠔身, 確保生蠔新鮮安全。有佢為大家把關, 咁先食得滿足又安心！
呢度嘅生蠔原裝法國入口, 全殼即開即食, 鮮度十足。
食生蠔都係學習嘅過程, 食蠔經驗唔多唔緊要！老闆教路按質素低至高、味道淡至濃, 品嚐第一款生蠔後, 因應個人接受程度, 第二款加入檸檬汁中和海水鹹味, 調出最適合自己嘅口味, 最後一款灑上黑胡椒帶出鮮味。
今日三款生蠔KYA Marine, Poesie, Majestic隻隻都飽滿水潤, 其中Majestic最為鮮甜, 蠔味突出, 令人印象深刻。
法國青口
Size比較細, 但肉質非常嫩滑, 同白酒忌廉汁係天作之合。香噴噴嘅蒜蓉包同時送到, 入口酥脆而不乾硬, 用嚟點忌廉汁一流。
美國頂級嫩腰眼牛扒
肉同脂肪嘅比例均勻, 表面煎封鎖住肉汁, 點medium就啱啱好。
伊比利亞西班牙黑毛豬架
切開焦香嘅表層, 內裏肉質保持柔軟, 骨邊位最為美味。
Crème brûlée
脆面焦糖加上嫩滑燉蛋, 為美滿嘅一餐作結。
Post
