Video
Read full review
2022-06-05
947 views
放工約咗個好耐無見嘅朋友食飯，我哋想靜靜哋傾吓傾，所以就去咗位於上環嘅「Ellipsis Cafe & Lounge」。如果唔係朋友介紹，我都唔知商業區呢邊有間咁Chill嘅Cafe😚。呢度環境正到不得了，樓底高，富有空間感，而且望出去個景開揚，可以細味香港嘅日與夜🌃🌇。餐廳角落位置嘅矮餐枱未必適合開餐，但飲咖啡、歇腳、打卡就一流！餐廳賣嘅食物款式唔太多🍽，但都唔止得輕食同麵包糕點。我見好多項目寫住Coming Soon，相信遲啲會有更多嘢食。Ellipsis Breakfast($148)，全日早餐就當然可以當晚餐食啦😝，而且食完仲好飽肚添。招牌早餐內容超豐富，包括香腸、煙肉🥓、黑松露炒蛋🍳、沙律菜🥗、車厘茄🍅、牛油果🥑、茄汁蛋、蘑菇同蒜蓉包等。雖然早餐唔難整，但都整得有心機，食材本身亦唔差，擺盤又靚。牛油果切得好薄，而炒蛋就好滑、好香；煙肉同腸則好惹味。Mushroom Pasta with Garlic($118)，🍝意粉係素食菜式，配料得雜菇同香蒜，不過食起上嚟一啲都唔單調。🍄雜菇有白蘑菇、大啡菇同冬菇，連埋意粉堆到成座山咁，望落都幾澎湃。意粉無乜醬汁，重蒜油風，仲帶少少黑椒香
放工約咗個好耐無見嘅朋友食飯，我哋想靜靜哋傾吓傾，所以就去咗位於上環嘅「Ellipsis Cafe & Lounge」。如果唔係朋友介紹，我都唔知商業區呢邊有間咁Chill嘅Cafe😚。
呢度環境正到不得了，樓底高，富有空間感，而且望出去個景開揚，可以細味香港嘅日與夜🌃🌇。餐廳角落位置嘅矮餐枱未必適合開餐，但飲咖啡、歇腳、打卡就一流！
餐廳賣嘅食物款式唔太多🍽，但都唔止得輕食同麵包糕點。我見好多項目寫住Coming Soon，相信遲啲會有更多嘢食。
Ellipsis Breakfast
$148
45 views
0 likes
0 comments
Mushroom Pasta with Garlic($118)，🍝意粉係素食菜式，配料得雜菇同香蒜，不過食起上嚟一啲都唔單調。🍄雜菇有白蘑菇、大啡菇同冬菇，連埋意粉堆到成座山咁，望落都幾澎湃。意粉無乜醬汁，重蒜油風，仲帶少少黑椒香，所以食落都唔乾身，而意粉麵質就幾彈牙。
Souffle Omelette with Ice Cream
$98
23 views
1 likes
0 comments
Osmanthus Tea($78)，🍵熱桂花玄米茶以茶壺上，兩個人都夠飲。桂花茶比想像中深色，但有意料之內嘅清香，仲帶少少玄米味。茶飲無添加糖，飲落舒服。
總括嚟講，呢間Cafe個名Ellipsis⋯⋯好特別，令人印象深刻。佢除咗有靚景之外，食物質素唔差️，定價亦合理，所以絕對唔係193口中嗰類Cafe，哈哈🤣。
Post
