LeeLaksa

Open Now

Now Closed

裝修好有異國風情侍應好似唔係本地人，好nice～上菜速度超快！個頭落完單，隔咗5分鐘都冇就上菜！😱新加坡喇沙米線 $82初初冇留意係米線，食落唔係咁簡單，係煙韌又滑身嘅米線！喇沙湯底係香濃嘅椰汁味，面頭有蝦、魚片、魚蛋、芽菜、豆卜，份量好足，豆卜索曬喇沙湯嘅味道，好入味！🤤李派海南雞飯 $88擺盆好似定食咁，有油飯、冬瓜湯、蘸醬（薑蓉、酸辣醬、醬油）。海南雞好嫩滑，雞胸部位都唔柴，雞皮好爽唔油膩！油飯好香，帶少少鹹味。香茅青檸荔枝梳打 (跟餐)估唔到係唔甜嘅梳打，好香薄荷味，飲落好fresh！😍香茅橙茶 (跟餐)茶底係紅茶，有一塊橙，有少少似凍檸茶，加咗一支香茅，冇咗檸檬嘅酸味，味道反而更有層次。😍街頭雞串燒 $68一碟4串，一串有兩隻手指咁粗。食落似係雞髀肉，肉質唔乾，但又未稱得上juicy，好重香茅味。蘸醬唔係沙爹，似係xo醬，但又唔辣，蘸咗令個味再複雜咗。