Video
Read full review
2022-06-14
145 views
歌賦街向來多野食, 今日車車係上環做完野就睇下有咩好西, 發現好耐都無好好善代自己於是好即慶加任性咁決定一個人去食我呀媽家姐! 入到去見到長長嘅長枱, 淺木色調嘅環境好舒服, 今日嘅lunch由慶師傅負責, 全程都有傾有講, 除左認識多左日本淡路島嘅食物文化, 仲學左揀食材嘅知識, 一個人食其實都唔會悶, 反而幾enjoy個過程 🌟前菜前菜有三款：玉子豆腐軟滑結實, 高湯味道滲哂入去洋蔥慢煮牛肉牛肉口感軟腍, 牛味濃郁, 洋蔥鮮甜味帶入牛肉之中黑胡麻豆腐上面係蜜糖豆同wasabi, 豆腐黑胡麻味濃郁中帶淡淡豆香, 豆腐口感帶點煙煙韌韌嘅口感, 非常特別 季節性刺身🌟鹿兒島鰹魚九洲師傅將外皮微微燒過會香口d, 同時令口感更豐富, 上面仲有紫蘇葉, 而薑入面有醋所以顏色帶啡, 無咁易壞, 鰹魚肉質柔嫩鮮甜魚味濃郁, 配搭淡路島嘅洋蔥爽甜清脆唔辣, 而柚子酸汁令味道清新, 又唔會蓋過左佢嘅鮮味非常開胃, 同蒜亦好夾, 師傅仲話如果係日本食會配搭蒜片食🌟九洲伊佐木因鱗片花紋形似家雞所以港稱雞魚嘅伊佐木上面磨左少許柚子皮, 滴少少青檸汁, 加d紫蘇花一齊食味道更突出, 亦可配搭旁邊嘅青瓜花一齊食
🌟前菜
前菜有三款：
玉子豆腐
軟滑結實, 高湯味道滲哂入去
洋蔥慢煮牛肉
牛肉口感軟腍, 牛味濃郁, 洋蔥鮮甜味帶入牛肉之中
黑胡麻豆腐
上面係蜜糖豆同wasabi, 豆腐黑胡麻味濃郁中帶淡淡豆香, 豆腐口感帶點煙煙韌韌嘅口感, 非常特別
季節性刺身
🌟鹿兒島鰹魚
九洲師傅將外皮微微燒過會香口d, 同時令口感更豐富, 上面仲有紫蘇葉, 而薑入面有醋所以顏色帶啡, 無咁易壞, 鰹魚肉質柔嫩鮮甜魚味濃郁, 配搭淡路島嘅洋蔥爽甜清脆唔辣, 而柚子酸汁令味道清新, 又唔會蓋過左佢嘅鮮味非常開胃, 同蒜亦好夾, 師傅仲話如果係日本食會配搭蒜片食
🌟九洲伊佐木
因鱗片花紋形似家雞所以港稱雞魚嘅伊佐木上面磨左少許柚子皮, 滴少少青檸汁, 加d紫蘇花一齊食味道更突出, 亦可配搭旁邊嘅青瓜花一齊食, 魚肉質感較結實, 車車比較中意柚子皮紫蘇花一齊食味道更清新, 而旁邊嘅淡路島蘿蔔絲亦唔可以錯過, 食落同平時食嘅好大分別, 口感爽脆爽,清甜無渣
🌟慢煮室津蠔
室津蠔外層香脆可口, 醬汁帶點辣味, 食落蠔肉creamy鮮甜飽滿多汁, 蠔味濃厚, 旁邊仲有淡路島洋蔥同昆布, 沾埋醬汁幾好味
🌟山葯海膽杯
海膽杯分成3層, 底層係質感比淮山厚嘅大和芋, 中層係整碎左嘅秋葵再加入硯水同木魚水混合而成, 而最頂層就係北海道鹽水海膽同果茄, 食左果茄之後再混合食, 黏黏嘅口感帶海膽同魚子嘅鮮味, 清涼醒胃
🌟九洲目光魚
目光魚炸左之後有少少似九肚魚, 但比九肚魚好食幾倍, 炸粉好薄, 外脆內軟, 魚肉非常柔嫩, 調味剛好, 連魚入面嘅骨都可以食用, 加點青檸汁一齊食更好味, 最後先食旁邊嘅日本青椒仔, 味道唔太辣, 亦唔油膩, 有少少爽脆嘅口感
🌟炸蓮藕餅
蓮藕餅外軟內脆, 入面有一粒粒嘅蓮藕碎, 食落幾有口感配上海苔汁, 百合同櫻花蝦混合一齊食用, 味道柔和適中, 帶微微酸味, 清新開胃
🌟壽司
兵庫縣手釣池魚
魚肉較為結實, 魚味更濃
粒子魚
賴户內海嘅粒子魚(港稱石九公), 口感紮實, 師傅特意唔落醬油, 改為用昆布鹽, 山椒葉令白身魚更提鮮
石湖鯛
配搭紫蘇花同淡路島炒過嘅洋蔥碎, 同樣無醬油, 食落魚油豐腴, 味道帶咸咸地之後會慢慢食到魚嘅鮮甜味
熊本大池魚王
上面擺左少少靚昆布, 魚肉滑溜帶甜同昆布好夾
喜之次
五大名魚之一嘅喜之次上面放左炸橋頭絲同炸過嘅紫菜絲, 微微燒過令其更香口, 魚油滿溢, 肉質柔軟
拖羅卷
中間夾住厚拖羅, 入面仲加入左溫室牙蔥, 竹碳鹽, 同埋帶微微辣嘅Wasabi莖, 食落更惹味
赤睦魚
屬五大名魚之一嘅赤睦魚沾上魚干醬同柚子胡椒後味道較濃, 質感十分柔嫩富油香，師傅加左魚干醬後再燒, 味道更香
海膽
北海道三重縣海膽, 同樣磨左少量柚子皮, Wasabi 同醬油, 海膽極creamy, 濃郁鮮甜
手卷
紫菜用碳爐輕輕燒過令其更香脆可口, 入面包住滿滿嘅拖羅蓉, 入埋7色芝麻同蔥, 食落口。感豐富, 油香滿溢
🌟味噌湯
味噌湯由3種麵豉整成分別係白麵／赤麵／西京麵豉, 入面仲有河硯令味道更鮮甜
🌟靜岡蜜瓜
蜜瓜果肉清甜多汁好好味
Post
