1908bc British Chinese

Open Now

Now Closed

芝麻蝦多士真係好吸引，外面嘅吐司酥脆可口，裡面包住嘅蝦仁鮮嫩。酥炸雲吞外皮金黃酥脆，咬落去時有聲，裡面嘅餡料新鮮，估計係混合咗豬肉同蝦仁，肉質滑嫩。田園沙律感覺唔錯，生菜脆口，各種蔬菜清新可口。配上輕盈嘅油醋醬，整體味道好清爽。香酥鴨掛包入面嘅鴨肉經過慢煮，肉質柔嫩多汁。醬汁嘅甜香同鴨肉嘅油脂融合得岩岩好，搭配掛包，平衡咗油膩感，食落更加好味。甜豆蘆筍炒三鮮呢道菜色香味俱全，甜豆清甜，蘆筍鮮脆，炒得岩岩好。三鮮包括蝦、墨魚同埋八爪魚，三鮮嘅搭配令菜更加豐富。脆皮牛肋骨配咖喱汁喺呢度嘅主打菜。牛肋骨外皮處理得好好，酥脆又唔油膩，咖喱汁嘅香料味濃郁，令人忍唔住多食幾啖。