七喜粥麵小廚 (Closed)

光顧七喜，無論係以前既鰂魚涌店到現在北角，都係食麵居多。難得今日有空去試下鯇魚皮。鯇魚本身唔多值錢，鯇魚皮仲要賣廿幾蚊??? 原來一條鯇魚只有背部一小部份可以咁食而且好快變壞，差小小新鮮都唔得，所以唔容易食到。 白焯鯇魚皮鯇魚皮加埋薑蔥絲，花生，賣相幾好 魚皮已落左麻油調味我再加小小胡椒粉。入口爽身既，食落口好膠質但唔會鯹。聽講話一塊魚皮加一粒花生再配小量薑蔥絲係正宗食法，一於跟足 係貴左少少，不過都係心機錢，會再食。