明閣 (鷹君中心)

有事要去會展一趟，做完嘢行返去會展站，原來灣仔明閣就喺站外既鷹君中心。橫掂未食飯就入去睇下有無位。幸運地有一枱取消，可以即入。即時上網睇睇有咩必點菜，首先蜜汁叉燒係必點菜式。再問服務員有咩靚燒味，服務員介紹叉燒拼燒鵝，上菜竟然俾咗燒鵝髀，實在幸運。叉燒完全冇筋，燒鵝皮香到不得了。果然冇介紹錯。點心點了蜂巢護角，海皇脆米腸，香口野好好食。不得不提雪山竹炭叉燒包，即叫即做，熱辣辣，雪山甜叉燒香，味覺享受。最後甜品點了蛋白杏仁茶及紅棗糕，暖暖胃。正餐感覺燒味到位，點心精緻。可以再去。