媽咪雞蛋仔

Open Now

Now Closed

今日妹妹話想食雞蛋仔，而本人本身對雞蛋仔就好一般，不過妹妹話好想食，咁就就一就她啦！原來而家雞蛋仔已經進化到有咁多隻口味，真係令我大開眼界。妹妹揀左粟米紫菜味，原片紫菜和雞蛋仔溶埋一起， 餡內見到有好多粟米，非常足料。最驚喜係粉漿整得好好，粉漿唔會太厚太散，烹調時間控制得剛剛好，仲要係即叫即整，熱辣辣，非常好香脆美味。食完係真係覺得有下次，唔怪得有咁多分店啦！我叫咗杯宇治抹茶牛乳豆花， 我成日覺得豆花係杯嘢飲裏面好奇怪， 但係我又好鍾意飲抹茶， 咁就一於試下新野，睇下咩感覺。 抹茶好香唔會太濃， 而豆花比我想像中好滑， 味道又唔會太甜，冰又唔會太多，調較得好好，好岩味道。買任何一款格仔餅或者雞蛋仔，再配嘢飲可以減4蚊，又唔錯喎。味道新穎，非常有新鮮感，樣樣都想試，價錢合理。