肯德基家鄉雞 (KFC)

Open Now

Now Closed

今日嚟到港灣豪庭嘅KFC食下午茶，決定叫個蜜蜜燒雞全翼茶餐。間鋪頭好似唔夠人手咁，直頭叫啲客人唔好去櫃檯落單，用手機落單，有少少混亂。搞咗一陣，終於用手機落左單，嘢食又唔算來，差唔多等咗10分鐘左右就有。蜜糖雞全翼係偏細隻，但味道都唔錯，甜甜地，唔會好燶。個蘑菇飯呢，叫咗多汁，好彩個侍應都算大方，肯比多幾羹汁我，多汁嘅蘑菇飯係幾好食。葡撻就係發揮到平時嘅水準，一陣焦糖喺面，咬落去之後有香濃嘅奶味，好食。下午茶餐，總共係$25，都幾抵食。