大壹冰室 (Closed)

平時好多人排隊既呢間冰室，上星期路過見到冇乜人排隊，就去左試下。環境唔錯但個人感覺偏暗，地方唔大但都企理，負責招待人入去坐既果個大叔好有熱誠....講返正題，呢日同友人一人叫左一個下午茶set，我例牌叫左杯熱奶茶，覺得杯奶茶好似比起其他茶餐廳好似冇左種入口濃厚的感覺，但都可接受的。野食方面，我要左個馬蘇芝士焗吞拿魚意粉，味道還好，但份量偏少，麵質適中，唔會太軟太硬。友人要左個芝士肉醬焗薯條，呢個份量足夠，味道濃加上芝士，同一般肉醬意冇分別....偏油，不過不失。整體而言都唔錯，可以一試。