得閒飲茶

Open Now

Now Closed

點心店林立，亦都好多選擇，所對鍾意食點心嘅人來講係開心嘅。由於3點茶樓飲茶好快落場，所以選擇食點心專門店。🏮椒鹽香脆魷魚鬚炸粉唔夠薄，椒鹽味唔夠重。🏮醬皇蒸鳳爪咸左啲，鳳爪都大隻同腍嘅。🏮蜜汁叉燒包麵粉鬆軟，餡料豐富。🏮沙嗲金錢肚入味，唔韌。🏮春風得意腸整體好味，賣相都好靚，口感上未夠脆，可能因為腸粉皮太濕了。🏮得獎蝦餃之王皮薄餡淡左少少。🏮山竹牛肉球不過不失。🏮懷舊香菇燒賣乾身啲，偏咸。🏮紫薯流沙煎堆仔無想像中甜，有驚喜，紫薯面脆脆地味道幾夾。🏮香茜牛肉腸腸粉厚身左啲。🏮家鄉鹹水角還可以。氣氛的確無茶樓咁好，但全日免加一，只收$6茶錢，而且味道唔錯。