Video
Read full review
2012-05-13
36 views
今日一起身, 望望個鐘, 哇成三點幾, 又肚餓, 但叫人都冇人會同我去食飯啦, 不過冇所謂, 下午茶時間一樣得一直都想試呢間栢檔的了, 由細到大都想試下啖啖肉食雞嘅滋味, 於是乎見下午茶時間, 平平地去食呢間了餐廳形式係快餐店形式, 即係先到櫃檯畀錢, 然後再到取餐處等候攞食物, 今次我就叫左下午茶先有嘅「海南雞米線」，不過叫果陣都有樣趣事想同大家分享一下；我同櫃檯小姐問：「唔該一個海南雞米線。」佢可能聽得唔太清楚，問：「街美線定咦美線？」我當堂：「...下...?」，再睇個餐牌，哦～原來有另一個「魚米線」於是我就同佢講要街美線嘞好，上圖就是我嘅街美線了；如圖所見，係有罐嘢飲的，我就幾喜歡呢種畀嘢飲嘅方法了，因為肯定夠衛生，但呢一款托盤就一直我最驚嘅類型，因為托盤同埋個碗，重有個罐汽水，全部都會冼泥冼去，真係好鬼得人驚，其實有冇可能諗個方法搞掂佢呢？食湯麵第一樣嘢要做嘅就梗係飲飲個湯底啦，不過就有啲失望嘞，其實「湯底」只係一碗有南瓜肉同埋染左小小色嘅滾水而食左個米線, 都因為咁而冇乜味道...不過唔緊要！泥呢度就係要食個雞架嘛！好在都完全冇令人失望，雞肉就咁食，都好夠嫩，真係剛剛好，又
一直都想試呢間栢檔的了, 由細到大都想試下啖啖肉食雞嘅滋味, 於是乎見下午茶時間, 平平地去食呢間了
餐廳形式係快餐店形式, 即係先到櫃檯畀錢, 然後再到取餐處等候攞食物,
今次我就叫左下午茶先有嘅「海南雞米線」，不過叫果陣都有樣趣事想同大家分享一下；
我同櫃檯小姐問：「唔該一個海南雞米線。」
佢可能聽得唔太清楚，問：「街美線定咦美線？」
我當堂：「...下...?」，再睇個餐牌，哦～原來有另一個「魚米線」
於是我就同佢講要街美線嘞
好，上圖就是我嘅街美線了；如圖所見，係有罐嘢飲的，我就幾喜歡呢種畀嘢飲嘅方法了，因為肯定夠衛生，但呢一款托盤就一直我最驚嘅類型，因為托盤同埋個碗，重有個罐汽水，全部都會冼泥冼去，真係好鬼得人驚，其實有冇可能諗個方法搞掂佢呢？食湯麵第一樣嘢要做嘅就梗係飲飲個湯底啦，不過就有啲失望嘞，其實「湯底」只係一碗有南瓜肉同埋染左小小色嘅滾水
而食左個米線, 都因為咁而冇乜味道...不過唔緊要！泥呢度就係要食個雞架嘛！好在都完全冇令人失望，雞肉就咁食，都好夠嫩，真係剛剛好，又易咬開，而點果三隻醬都唔會太重口味，衰是有一點清新的～雞肉食落一啲都唔痴牙，真係幾掂！
份量方面，米線嘅量都算幾夠的,
係度畀樣嘢大家估下, 其實大家估唔估倒點解個湯底會用南瓜湯做湯底? 係文末我會分享下我自己嘅見解~至於餐廳環境方面，環境舒服，只係覺得，係地下一層度用落地玻璃有點奇怪，如果你坐近窗邊(好似我咁)，就會有種成了大熊貓嘅感覺....
對我來說, 當然是沒有問題, 而且還會覺得, 這是練膽嘅好方法, 平時唱K怕醜唔敢係朋友面前一展歌喉嘅你, 或者可以考慮下坐呢個位練練膽而服務方面，其實我去到食果陣都已經四點幾五點，都冇乜人，沒有任何考驗，不過會有少少擔心佢地如果係繁忙時間嘅速度，因為就算冇乜人，我碗米線都要等住佢切一切先可以拎
總體來說，真的不錯，以要填飽肚子首要目標，但又要有啲味道嘅你，呢間一定適合你！
Other Info. :
其實我又有啲包拗頸嘅~ 人地明明係海南雞「飯」做主打, 我就去食「街美線」, 不過雞就真係好好味! 下次一定要試返個飯!!
至於湯底上, 其實佢用南瓜湯就係要佢隻色, 令到個湯底嘅色同雞皮差唔多一樣咁, 變左你食果陣會以為佢係雞油染出泥, 有心思!!
(The above review is the personal opinion of a user which does not represent OpenRice's point of view.)
Post
