半島冰室

Open Now

Now Closed

上OpenRice尋覓北角食店。見係茶餐廳仲要咁好評價，行到門口有條固定隊，一睇就知伏極有限！一坐底望下隔離左右都係叫豬排早餐，我都跟嗌番個。咁難得黎北角，所以叫左個全日早餐，順便試埋個沙嗲牛。沙嗲牛通，牛肉食落沙嗲有微辣，可惜牛肉唔夠熱而且湯太多。如果少湯，沙嗲牛熱d應該好好食。再黎主角豬排，大大塊，不過唔夠淋，味道都唔差。最欣賞間餐廳無用茄汁豆當一個配菜，仲有塊薯餅。咖啡甜甜地有d澳門咖啡感覺。下次會再黎試午餐/晚餐。最後想講，好討厭而家d茶餐廳記早餐，丹麥多士當首選，食多士反而落單要講明、茄汁豆當一個配菜。香腸火腿蛋食得你幾多錢？麵包茶牛油都懶？香港茶餐廳早餐普通配菜都已經無左煙肉，再咁度縮，早餐會無哂吸引力。