東京大眾酒場 (Closed)

朋友推介我去食呢間飲清酒食關東煮，今晚就去試試佢！關東煮係出去open kitchen order, 叫左蘿白，魚糕，蝦餅，芋絲。 最好食係蘿白，好甜，其他都正常。可以點麻辣醬，有啲譚仔feel，都幾惹味。要揸車冇飲酒，叫左蘋果同白桃梳打，蘋果好味d，白桃個味有啲假，不過要$42一支真係食水好深😾磯煮鮑魚，凍食，冇乜特別。明太子玉子燒，好香明太子，玉子幾甜，可以再叫。日本和牛串，全晚最好食，好林，肉味好濃。甲羅燒，蟹肉味重過蟹膏味，係冇咁膩，不過對於想食蟹膏黎講就唔會滿足。Shake shake 紫菜味雞翼，幾新穎，送酒一流。蟹肉沙律，冇蟹肉，個芝麻醬太太太多，好咸，千祈唔好叫。