Video
Read full review
2023-07-24
170 views
📌 Bistro Hoi An📍 屯門青山公路1號黃金海岸商場地下1A號舖☎️ 34210060★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*屋企人同我都鍾意閒時去吓屯門黃金海岸，日落之前可以行下海灘。入夜後黃金海岸好寧靜，喺度食飯好relax 好有度假feel。呢日就揀咗食越南嘢。呢間餐廳樓底頗高，滿天色彩斑斕嘅燈籠好吸睛，好似成個會安古鎮搬咗過嚟咁，餐廳仲有戶外雅座可供選擇。💫越式生蝦刺身（$138）一碟八隻越南虎蝦好厚肉，肉質有彈性，配埋乾蔥及柑桔魚露汁，沒有泰式辣到飛天嘅味道，而是鹹中帶微辣，怕辣之人都不妨一試。💫越南蜜柚燒蝦沙律（$138）入面有脆椰絲拌柚子，口感卜卜脆，燒蝦香口爽身、有魚露汁令本身酸酸甜甜嘅沙律多咗一層鹹味，食落更有層次又開胃。沙律前菜黎講分量都幾大好抵食。💫特色蛋咖喱炒軟殼蟹（$198）軟殼蟹上枱要即食，新鮮現炸，索晒啲咖喱汁好惹味，仲附有輕輕烤過嘅法包可以蘸咖喱。💫會安烤乳豬（$268）點呢道菜時店員都舉起手指公，話係鎮店招牌菜。原隻乳豬腿上碟，附上剪刀剪開，乳豬皮又薄又鬆脆，肉質嫩又多汁，肥瘦適中
📍 屯門青山公路1號黃金海岸商場地下1A號舖
☎️ 34210060
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*
屋企人同我都鍾意閒時去吓屯門黃金海岸，日落之前可以行下海灘。入夜後黃金海岸好寧靜，喺度食飯好relax 好有度假feel。呢日就揀咗食越南嘢。呢間餐廳樓底頗高，滿天色彩斑斕嘅燈籠好吸睛，好似成個會安古鎮搬咗過嚟咁，餐廳仲有戶外雅座可供選擇。
💫越式生蝦刺身（$138）
一碟八隻越南虎蝦好厚肉，肉質有彈性，配埋乾蔥及柑桔魚露汁，沒有泰式辣到飛天嘅味道，而是鹹中帶微辣，怕辣之人都不妨一試。
越式生蝦刺身
$138
5 views
0 likes
0 comments
💫越南蜜柚燒蝦沙律（$138）
入面有脆椰絲拌柚子，口感卜卜脆，燒蝦香口爽身、有魚露汁令本身酸酸甜甜嘅沙律多咗一層鹹味，食落更有層次又開胃。沙律前菜黎講分量都幾大好抵食。
越南蜜柚燒蝦沙律
$138
4 views
0 likes
0 comments
💫特色蛋咖喱炒軟殼蟹（$198）
軟殼蟹上枱要即食，新鮮現炸，索晒啲咖喱汁好惹味，仲附有輕輕烤過嘅法包可以蘸咖喱。
特式蛋咖喱炒軟殼蟹
$198
7 views
0 likes
0 comments
💫會安烤乳豬（$268）
點呢道菜時店員都舉起手指公，話係鎮店招牌菜。原隻乳豬腿上碟，附上剪刀剪開，乳豬皮又薄又鬆脆，肉質嫩又多汁，肥瘦適中，蘸埋是拉差海鮮醬，配合香葉同手工醃菜一齊食可減膩。
會安烤乳豬
$268
5 views
0 likes
0 comments
💫Affogato ($72)
越南濃咖啡淋晒落個Gelato度，再灑焦糖餅等脆脆增加口感，咖啡同雪糕嘅比例剛剛好，層次分明。好正！
Affogato
$72
3 views
0 likes
0 comments
以為越南嘢多數都係食下Pho，米卷之類，呢間有別於一般越南餐廳，睇番原來係屬於Cafe Deco Group，唔怪之得水準咁高啦。😋😋😋😋😋
脆皮牛油雞翼
$88
5 views
0 likes
0 comments
Post
