稻成 (新城市廣場一期)

Open Now

Now Closed

今日就同朋友去咗稻成食飯, 餐廳主打京滬菜我哋就叫咗稻成酸菜鱸魚, 店員用蠟燭微微熱住底部, 成件事幾有情調😂鱸魚份量好多, 每塊魚片仲好大塊, 肉質滑溜, 😋湯底都好惹味, 入面有大量酸菜, 味道偏酸另加配紫薯寬粉, 口感會比紅薯粉更加煙韌😋好食嘅唔止酸菜魚, 乾爆重慶辣子雞都整得幾出色雞塊炸得好乾身, 面頭佈滿辣椒花生同芝麻, 香脆得來唔會太油膩, 而且麻辣香味平均分佈喺雞塊度, 香口過癮😋另外我都叫咗稻成小籠包, 皮身偏薄但唔易穿, 肉餡索滿湯汁👍香炸蝦膠藕餅 , 外層炸得香脆, 入面超多蝦膠,配埋爽脆蓮藕粒, 口感豐富最後仲叫埋高力豆沙, 空氣感滿滿, 同時又幾有彈勁🤣