Aqua (Moved) New Location

男朋友book左枱同我食生日飯，除左個海景之外，所有野都係好差👎🏻入座後order左三樣食物，有燒呑拿魚腩卷、薄切龍蝦pizza同黑毛豬柳，8點嗌完野食，8:40分先上第一道呑拿魚腩卷，😑之後等左起碼15分鐘,先上另一道菜😑唔知以為自己食緊傳統法國菜🙄。碟黑毛豬柳份量又少，味道又好一般，等到完全冇哂耐性，影相都慳返，🤢最嬲既係，你附近隔離嘅枱上菜嘅速度又好快喎，唔通我哋去左第二個時空？好喇，極冇mood嘅情況等到食埋第三道菜即刻叫人埋單，之後先話你知有個complimentary 甜品，生日甜品來到，心諗都算啦，求其都影張相算，點知叫完個侍應幫我哋影相，佢話等陣，5分鐘後都唔來，把鬼火直接走人算，真心咁大個人都未去過差到咁既餐廳，仲要so called 都叫高級餐廳，真係貼錢買難受，如果大家唔想中伏就，建議你唔好去，真係令我好失望👎🏻👎🏻👎🏻