漢堡王 (Closed)

6月18日開始一連4日去星加坡, 所以專登上機前食番個burger, 心諗如果可以加多杯士多啤利奶昔就perfect! 去到cashier見到佢個"華堡"廣告好靚仔好吸引, 就叫了一個華堡餐$4x, 可惜沒有奶昔, 唯有改飲凍朱古力.華堡個size其實沒有想像中咁大, 只大過M記的足三両約50%, 個飽都熱辣辣, 可惜飽唔夠厚身, 都幾薄下. 相對之下, 料多飽薄, 由於牛肉肉質不算靚, 所以肉汁不多, 但肉味都夠. 蕃茄, 生菜及洋蔥很新鮮爽甜, 真的不錯. 最鍾意佢飽內同時兼有白汁及茄汁, 好野味. 飽內的酸瓜也頗酸, 我個人鍾意食酸瓜, 所以很喜歡這片特酸的酸瓜, 不過若果要討好更多的食客, 還是減低酸度較好. 不喜歡這兒的薯條, 幼身的薯條炸得頗實頗硬, 只是吃了數條便放棄了 . 相反, 凍朱古力不錯, 雖然算不上香濃幼滑, 不過淡淡的朱古力味, 不會太甜, 飲後滿足非常. 這兒的burger餐$4x價錢雖然不貴, 不過我倒寧願食$5x的Triple O's, 或者食更上一層樓$8x的Burgeroom.