Video
Read full review
2020-10-04
1751 views
古早蛋糕開到大街小巷都係，但有幾多間真係好好食呢🤔？不過公道啲講，普遍都唔會難食得去邊嘅，始終佢係焗蛋糕嘛，主要分別在於你會唔會回頭再幫襯啫！正正因為上述原因，我繼續尋覓緊會令我回頭嘅蛋糕，目前只得兩間，其他均屬一試無妨嘅水平而已🤭。呢日去開太子買涼麵，就順便試埋「阿嫲現烤手工蛋糕 」。男店主咁啱巡緊舖，佢見狀隨即向我介紹👍。呢度嘅口味選擇都幾多，有個別口味零舍特別，咁就當然唔可以錯過啦！價錢都係咁上下，介乎$50-$80一件不等，呢度亦有半件賣的。由於臨近中秋節🥮，唔請同事食月餅都請同事食番件餅啦，所以我一口氣買咗三件同大家分享。以蛋糕消耗嘅速度，就知佢有幾好食！金叵羅($80/件)，呢隻口味係阿嫲獨家，店主話整金叵羅最花時間，因為要同時有三個人喺短時間內將啲食材加埋一齊。死啦會唔會爆咗人哋商業秘密出嚟🙈。蛋糕餡料主要由土鳳梨蓉同麻糬拔絲組成，上面一格格嗰啲就係鳳梨酥皮。我嘅感覺係將古早蛋糕同鳳梨酥Crossover，蛋糕本身不乏濃濃蛋香🥚，而中間層餡料則同蛋糕超夾，毫無違和感。本身驚麻糬會好奇怪同唔搭調，點知食落勁過癮，好好食😋。呢隻麻糬即係而家好興畀你自行DIY撈芝麻花生嗰種。鳳
古早蛋糕開到大街小巷都係，但有幾多間真係好好食呢🤔？不過公道啲講，普遍都唔會難食得去邊嘅，始終佢係焗蛋糕嘛，主要分別在於你會唔會回頭再幫襯啫！
正正因為上述原因，我繼續尋覓緊會令我回頭嘅蛋糕，目前只得兩間，其他均屬一試無妨嘅水平而已🤭。呢日去開太子買涼麵，就順便試埋「阿嫲現烤手工蛋糕 」。
男店主咁啱巡緊舖，佢見狀隨即向我介紹👍。呢度嘅口味選擇都幾多，有個別口味零舍特別，咁就當然唔可以錯過啦！價錢都係咁上下，介乎$50-$80一件不等，呢度亦有半件賣的。
由於臨近中秋節🥮，唔請同事食月餅都請同事食番件餅啦，所以我一口氣買咗三件同大家分享。以蛋糕消耗嘅速度，就知佢有幾好食！
金叵羅($80/件)，呢隻口味係阿嫲獨家，店主話整金叵羅最花時間，因為要同時有三個人喺短時間內將啲食材加埋一齊。死啦會唔會爆咗人哋商業秘密出嚟🙈。蛋糕餡料主要由土鳳梨蓉同麻糬拔絲組成，上面一格格嗰啲就係鳳梨酥皮。
金叵羅
$80
67 views
4 likes
0 comments
椰香斑蘭
$80
56 views
0 likes
0 comments
Oreo朱古力
$70
70 views
1 likes
0 comments
三款口味都好好食🤤，全因為主角蛋糕整得好，個別口味更能為蛋糕錦上添花。本身諗住試肉鬆味，店主仲話係用新東陽肉鬆整，但夾唔啱出爐時間買唔到，唯有下次再嚟。小店仲有生產一盒盒嗰啲鳳梨酥，不過要預訂先買到。
阿嫲嘅蛋糕盒好似間屋🏠，可愛得嚟，功能性仲好強。因為佢斜斜嘅屋頂再加上有散熱孔嘅設計，除咗唔會咁易壓到蛋糕甩皮之外，仲可以疏導蛋糕新鮮出爐嘅熱氣。
總括嚟講，我搵到第三間可以令我翻轉頭嘅古早蛋糕，特別係金叵羅好評度達100%💯！店主親切平實，會介紹蛋糕口味同用料，但唔會過份吹噓，有時買件蛋糕都被迫聽半個鐘故仔真係喊出嚟😂，放心呢度唔會。店舖位置唔算當眼位，但我相信佢嘅出品能夠讓佢跑出！
Post
