西貢松記車仔麵

Open Now

Now Closed

每次黎西貢都係食金雞嘅海南雞飯，今次嚟到見唔算太肚餓，就食咗同一條街嘅松記車仔麵。以前經過嘅時候都見到門口有長長嘅人龍，心諗應該都唔錯掛，不過就超級失望。首先最低消費係＄25 ,但係啲阿姐係唔會同你講嘅。一坐低，你就要去返門口揀麵揀餸，揀好咗店員會幫你拎入枱，最後食完先俾錢。整體上勝在夠平，但係質素的確麻麻。蘿蔔夠甜無渣，不過黃金墨魚卷以為係炸得香脆嗰隻，點知又淋又濕，完全冇口感可言。我最唔鍾意嘅地方就係，成碗湯都好杰，完全唔係食緊車仔麵嘅感覺，湯頭完全無味， 食完都完全理解唔到點解不到，點會有咁多人嚟食。