長洲冰室

Open Now

Now Closed

31/03/2018前一日路經呢間已經想食，因為門面裝修好吸引但太飽所以留今日食，一早已經諗好要食佢個芒果糯米飯做早餐，說實話，我第一次食咋，好期待！早到咗，睇住佢開門，已經同時有三pair人即刻衝入去了心諗咁曬咁熱邊個會坐出面呀。但估唔到我落完order,已經滿座了，勁！好多款野食，好彩一心諗住食芒果糯米飯，如果唔係有排選。「芒果糯米飯」好多椰汁！職員仲話唔夠汁可以繼續添！不過我覺得好夠了，再加會變椰汁湯飯XD芒果好甜好正！綠色𠴱啲係班蘭味糯米飯，好特別。男朋友嗌咗碗「紫米露豆腐花」，豆腐花少咗啲，但個紫糯米好好食！食到好飽，佢仲有好多款甜品仲未有機會試，下次再試！題外話，職員服務好好，但因呢度係自己買飛再自己搵位坐，所以基本上職員唔知邊張枱嗌咗啲乜，成日大嗌餐no.拎住碗糖水周圍搵人，有啲亂。