Video
Read full review
2021-05-23
222 views
朋友圖文並茂話近排呢個芝士雞煲好Hit，咁我就拉咗老公同個Friend齊齊試。佢有好多分店，觀塘呢間好大，坐得舒服；不過服務就好耐人尋味，首先有個好似軍官咁嘅阿姐向你落唔清晰嘅命令，其他侍應亦都唔係好熟餐牌，不過都幫手嘅；好彩食物質素都幾好，所以可考慮回頭。黃金芝士雞煲（細） HK$178 作為芝士控嘅我當然揀咗激量芝士，啲芝士好足份量，單係芝士都值回票價。咁芝士溝雞係咩味？真係好難形容，我會話好似好好味同高級版嘅忌廉薯蓉雞湯再加咗拉絲芝士，由於太好味，連平時唔食芝士嘅老公都係咁飲個湯，結果我哋竟然連個湯都清晒，肥死人！至於個雞，都幾有雞味同好滑，配料中芹、芫茜、洋蔥啲味好夾，尤其洋蔥喺雞同芝士嘅洗禮下，香甜到不得了，個個爭住食。由於我哋清咗個芝士湯，所以最後我哋只能用清雞湯打邊爐，試唔到中式芝士火鍋，嗚嗚～～～火鍋部份哈哈蝦中寶 HK$68（半份） 作為蝦迷嘅我，呢個蝦中寶夠晒勁，足料夠份量之餘，仲好鮮甜好彈牙，不過我建議一人食一隻就夠，因為真係太大隻。手打五寶丸 HK$48（半份）五粒丸食落都好新鮮，我哋三位忍唔住邊食邊讚！我食咗蝦丸同鯪魚球丸，都係平均水準之上！另外
黃金芝士雞煲（細） HK$178
作為芝士控嘅我當然揀咗激量芝士，啲芝士好足份量，單係芝士都值回票價。咁芝士溝雞係咩味？真係好難形容，我會話好似好好味同高級版嘅忌廉薯蓉雞湯再加咗拉絲芝士，由於太好味，連平時唔食芝士嘅老公都係咁飲個湯，結果我哋竟然連個湯都清晒，肥死人！
至於個雞，都幾有雞味同好滑，配料中芹、芫茜、洋蔥啲味好夾，尤其洋蔥喺雞同芝士嘅洗禮下，香甜到不得了，個個爭住食。
由於我哋清咗個芝士湯，所以最後我哋只能用清雞湯打邊爐，試唔到中式芝士火鍋，嗚嗚～～～
火鍋部份
哈哈蝦中寶 HK$68（半份）
作為蝦迷嘅我，呢個蝦中寶夠晒勁，足料夠份量之餘，仲好鮮甜好彈牙，不過我建議一人食一隻就夠，因為真係太大隻。
手打五寶丸 HK$48（半份）
五粒丸食落都好新鮮，我哋三位忍唔住邊食邊讚！我食咗蝦丸同鯪魚球丸，都係平均水準之上！
另外我哋仲叫咗雜菇盤同油麥菜，都好好味。
溫提：
食呢個雞煲要有耐性，因為要等啲芝士溶晒先可以開蓋食，期間千祈唔好攪拌，因為會影響拉絲效果架！
芝士雞煲
18 views
0 likes
0 comments
4 views
0 likes
0 comments
6 views
0 likes
0 comments
雜菇，油麥菜
0 views
0 likes
0 comments
手打五寶丸
1 views
0 likes
0 comments
哈哈蝦中寶
8 views
0 likes
0 comments
1 views
0 likes
0 comments
2 views
0 likes
0 comments
Post
