竇

Open Now

Now Closed

本來未試過呢間野，呢幾日又有朋友同我講菠蘿包唔錯就去試下，一邊食都感覺平平無奇，都冇咗種期待，幾樣野都味道普通，到食完諗住飲埋杯餐飲就走，無啦啦走咗個姐姐出嚟，帶住洗碗手套，問我哋食完未，我哋話食完，咁佢就收起我哋啲嘢，但問題杯嘢飲仲有一半未飲，正常你諗都係收啲碗碗碟碟，因為我都係講食完，唔係講飲完，點知佢第一時間就一隻手叉咗落杯飲品度，我即時呆左，帶住洗碗手套插入去，我仲點飲.....事後向職員反映，靜係識話沖個杯俾我，話嗰個姐姐係入面洗碗，唔關出面事，但問題係洗碗係洗碗樓面係樓面，我唔係想R啲咩，只係想你正視下呢個問題，唔知洗碗姐姐沖出嚟做乜，趕收工可以同我講聲，唔使成隻手指插入去趕我走，仲要當時仲有幾台客喺度，如果我係最後一台慢慢坐阻收工就話啫