阿翁廚房 (Closed)

呢日難得嚟筲箕灣。雖然想食珍姐嘅泰國菜，但男朋友想食上海菜多啲，所以就搵咗呢間隱世上海菜。地點有啲偏僻，但跟住地圖不算難搵。去到門口見到得好少人，不過都照入啦，隱世嘛。我地叫咗五個小籠包、香露醉雞湯麵，跟餐熱豆漿。小籠包ok，唔算特別好，但就係食完冇咩印象嘅水準。皮唔算厚，餡唔算少，但湯汁味道唔算特別好。上一篇寫嘅食評咁啱係「手拉麵小廚」，果度小籠包喺香港超晒班。香露醉雞湯麵酒味濃郁，雞肉夠滑，份量不少。唔怪得隔籬枱四個人叫咗大大個醉雞煲。湯麵純粹飽肚，男朋友話個湯淡到水一樣。跟餐熱豆漿少甜重豆味，唔錯。