蘭芳園 (Closed)

去開上環唔個食咩好，就入左蘭芳園食啦。我就唔太餓，所以只係叫左個飽就算。最後選左芝士咸牛脷包。芝士係普通超市買到既果款，包係一般果隻漢堡包皮，特別就唔算，但叫做夠熱。裡面有芥末醬，算係畫龍點睛。用牛脷做漢堡包就真係特別啦，有名你叫咸牛脷又真係夠咸，整體而言不過不失。男朋友叫左叉燒燒鵝飯，佢就食得幾滋味啦，配杯凍奶茶，成功食飽左佢😆。專登黎食就唔會啦，但經過想試下都可以的。星期六晚六點幾黎食，係完全唔洗等位。