Dough Kitchen

Open Now

Now Closed

呢間鋪一直都好出名，網上有好多人推介；因為朋友一早上網book咗位，唔洗排隊就入到去食，如果真係想食，建議大家都係上網book定位穩陣啲！個陣同朋友都唔係特別肚餓，所以就只係叫咗兩樣野食。1.白松露西班牙黑毛豬芝士多士一拎到上枱，就已經聞到好大陣松露嘅味道，食落都係好大陣松露味，但蓋過白毛豬同芝士嘅味道；可惜份量比較少，只係得3件半份嘅多士，隨餐附送嘅火箭菜仲多過多士，加上本人極度唔鐘意食火箭菜，所以個人麻麻地呢份多士。2.海膽意粉海膽意粉係呢間鋪嘅招牌菜，基本個個都係為咗呢個意粉而黎，我都係唔例外。意粉係手工製造，比起一般嘅意粉嘅口感會更加煙靭彈牙，似粗拉麵或者烏冬多啲，係我幾鐘意嘅口感。意粉嘅海膽醬汁都好足夠，醬汁偏杰身，基本上每條都沾到汁，但意粉嘅份量亦有啲少。意粉嘅主角 - 海膽食落口都幾creamy，不過有少少腥味，上網睇有啲人又話鮮甜，可能都係睇彩數。