妹記大排檔

Open Now

Now Closed

呢到嘅餸菜都好大碟。鹹魚雞粒炒飯 - $52（午市套餐，送一罐汽水）好大碟，亦都炒得好香，粒粒分明，有鹹魚嘅鹹香味，雞粒好滑吾靭，亦配有翠玉瓜，蛋等配料增加口感。蠔仔煎餅 - $88蠔仔份量都吾少，仲有芫荽，炸得好香脆，仲有個汁點綴下，2種風味，比較油膩。安格斯牛柳粒（燒汁野菇）- $148呢個可以選黑椒汁，燒汁野菇，同埋尖椒炒，我地選左中間，菇菌數量吾少，配燒汁都煮得好好味，但係主角安格斯牛柳粒吾太重肉味，而且比較韌，建議大家吾洗特登比貴價錢食安格斯牛柳粒，食普通嘅就可以。鬼馬油炸鬼 - $88有2大條，表面都炸得脆，入面係墨魚膠，都食到d墨魚粒，但又冇咩墨魚味，有個酸汁比你點。