囍越 (將軍澳中心)

Open Now

Now Closed

今日因為工作開係去左將軍澳站，又想食清清地，咁見到到呢間What the Pho （囍越）就入左去打算食碗河粉啦。 咁坐低左就叫左一碗WTP 火車頭湯粉加杯凍奶茶少冰少甜。WTP 火車頭湯粉應該就係佢地的招牌河粉，配料有牛柏葉、牛腩、牛丸、牛筋、生牛肉，另外附左一碟配菜，有青檸、芽菜同九層塔（好似係） 講講碗粉先，粉底我就轉左做金邊粉，湯頭清甜好飲， 唔會太咸，帶點鮮甜味，恰到好處。 牛丸，好有牛味，而且咬落有肉汁。 但個人有一點唔係好喜歡，就係丸內有一粒粒牛脂肪，應該係為左增加香味同肉汁。不過咬落去口感比較奇怪同咬唔爛。 牛筋炆得好腍滑，但冇咩味道，比較可惜。 牛柏葉都係爽口，唔會好難咬，不過都係比較淡。 生牛肉，應該都係呢一碗河粉的精粹之一，有肉味，肥瘦適中，上菜時仍然係粉粉嫩嫩，因為放係粉面唔會浸到熟哂，好食。 總括黎講，成餐$92，唔算好值得食，算係可以。