Video
Read full review
2012-05-07
257 views
見D食評都幾好, 第一次黎E度試下先~~ 去到見到D食物唔算太多款, 但有D食物食完都有D驚喜, 睇下我食左乜野先: 剌身: 一般,但切得唔夠厚身,無乜魚味, 但估唔到日式小食有帶子裙邊同中華沙律, 因為帶子裙邊出面批發價都比起螺肉/八爪魚貴, 所以好多酒店自助餐都只係選螺肉或者八爪魚, 個帶子裙邊都OK, 味道唔錯。 凍盤: 琵琶蝦-D肉質正常,OK收貨; 翡翠螺-食左幾隻, 無沙, 肉質味道OK, 最奇就係個隻隻尾部好乾淨, 但無理由佢地咁好心機隻隻都拎粒螺肉出黎切左個尾部,然後放埋入去掛, 蟹腳-好似好新鮮咁, 隻隻蟹腳D肉都痴住個殼, 肉質好結實, 唔鹹兼且味道幾鮮; 青口/熟蝦-無食。 即開生蠔: 超細隻, 但蠔肉飽滿, 好鮮味。 熟食 - 有豉椒炒聖子, 但可能炒得過火少少,有D韌, 但味道都OK, 牛扒-無食, 因為當時已經飽飽地, 其它熱盤都OK, 但款式唔多, 但起碼D熱盤唔會凍。 甜品 - 呢個要讚下, D甜品放晒入凍櫃內, 有侍應幫你拎出黎, 變左D蛋糕唔會整到好樣衰, 件件都好靚, 甜品有好多款都好好食, 最好味既係即焗梳夫里, 仲好食過太平館, 佢能
去到見到D食物唔算太多款, 但有D食物食完都有D驚喜, 睇下我食左乜野先:
剌身: 一般,但切得唔夠厚身,無乜魚味, 但估唔到日式小食有帶子裙邊同中華沙律, 因為帶子裙邊出面批發價都比起螺肉/八爪魚貴, 所以好多酒店自助餐都只係選螺肉或者八爪魚, 個帶子裙邊都OK, 味道唔錯。
凍盤: 琵琶蝦-D肉質正常,OK收貨; 翡翠螺-食左幾隻, 無沙, 肉質味道OK, 最奇就係個隻隻尾部好乾淨, 但無理由佢地咁好心機隻隻都拎粒螺肉出黎切左個尾部,然後放埋入去掛, 蟹腳-好似好新鮮咁, 隻隻蟹腳D肉都痴住個殼, 肉質好結實, 唔鹹兼且味道幾鮮; 青口/熟蝦-無食。
即開生蠔: 超細隻, 但蠔肉飽滿, 好鮮味。
熟食 - 有豉椒炒聖子, 但可能炒得過火少少,有D韌, 但味道都OK, 牛扒-無食, 因為當時已經飽飽地, 其它熱盤都OK, 但款式唔多, 但起碼D熱盤唔會凍。
甜品 - 呢個要讚下, D甜品放晒入凍櫃內, 有侍應幫你拎出黎, 變左D蛋糕唔會整到好樣衰, 件件都好靚, 甜品有好多款都好好食, 最好味既係即焗梳夫里, 仲好食過太平館, 佢能夠做到裡面係泡泡咁, 入口即溶, 味道夠甜, 質感味道都好好。 呢個梳夫里比到我好大驚喜。
即炒意粉通粉檔 - 有好多配料你自己選擇, 然後廚師即場炒, 但廚師幫我炒果陣, 佢跌左D料嚮個爐面度, 佢用隻炒緊我既意粉既夾去爐面夾返D配料, 但爐面有D污糟, 跟住又用隻夾去夾走枱面d 上手跌落去既配料,枱面又係有D污糟, 然後用隻夾放入去煑通粉既水度攪下,好似洗個夾咁............... 當時我真係比佢既動作攪到我有少少翻胃, 大佬呀, 可唔可以用另一個夾清走D 跌左去枱/爐面既配料呀, 跟住仲要嚮煑意粉既水度洗夾............所以我拎左碗通粉返去後, 無食過。咁大間酒店, 個廚師咁無衛生..........真係好唔掂...........飲品 - 唔包凍飲, 但有自助熱飲: 咖啡、檸茶、奶茶....等等。
連加一定$322一位, 以自助餐黎講都算幾抵, 雖然款式少, 但食物整體質素唔錯, 係酒店位置唔係咁方便同埋果位煑意粉檔既廚師無乜衛生意識之外, 總括黎講, 我覺得都OK, 應該我會再幫襯, 但唔會食意粉檔既食物。
Post
