金記冰室 (Closed)

有次同老公去完南生圍之後夜晚過咗嚟呢度食晚飯，因為我哋都想食茶餐廳嘅，入到去又唔算太多人，所以唔會好迫，環境坐得幾舒服，坐低咗之後就叫咗一份鐵板西冷牛扒餐，同埋一個口水雞飯餐，口水雞飯餐就會配埋老火湯同埋白飯，老火湯真係比較好飲，冇乜味精，真係自家煲出嚟嘅👍🏻👍🏻👍🏻👍🏻鐵板嚟到嘅時候見到塊西冷牛扒大大塊，熱辣辣，吱吱聲咁樣好熱好味，好多汁，亦都好有咬感，佢有得俾你揀配薯菜，意粉定係白飯，我就揀咗薯菜，最值得推介嘅就係薯菜，平時出去食鐵板餐嘅薯菜都係雜菜雜豆放喺個鐵板上邊，但係佢哋勁有心，勁有誠意，有一個大嘅碗裝起左即炸嘅薯條，份量都幾多，熱辣辣，仲要落埋准鹽，令到成碗薯條非常之咁好味，唔會好似出邊嘅鐵板餐咁樣啲薯條林晒，呢度值得加好多分👍🏻👍🏻👍🏻👍🏻另外口水雞好惹味，味道非常之出色，唔會太辣，亦都唔會只有辣味，味道比較深層次，幾有新意，感覺都幾出色，下次都會繼續過嚟試吓其他菜式。😄😄😄😄😄