Video
Read full review
2015-05-11
790 views
前睇食評講到好似好差，但係媽咪嘅朋友推介話意大利飯好好味，咁啱母親節，咁咪同媽咪，爸爸，細妹去食囉！我都係預早兩個鐘book枱，接電話個女仔都接受，今日咩日子呀，我相信好多餐廳都唔會接受囉！都算幾好啦！我哋比booking時間早到2，3個字，有個帶圍裙嘅女職員問我幾位，有無book位，我話有，佢立即同我講唔好意思，要等一陣，眼見入面full哂，出面有幾個等緊，心諗有排等啦！但係都係等咗4，5個字度，可能book咗嘅關係，所比其他等緊嘅客人早入去啩！入到去，當然order咗最期待嘅意大利啦，仲有卡邦尼，兩個all day breakfast，飲品方面叫咁杯果汁，兩杯咖啡，同埋雪梨茶！個意大利飯果然無失望，菇菌多，仲有隻大蘑菇係底，出面好難用咁嘅價錢食到，卡邦尼夠cream，好夠味，兩個all day breakfast就普通咗啲😊，但waffle唔差嘅，個炒蛋都滑嘅！飲品方面，我就飲果汁，味道唔似用糖水溝出黎，好有果味，爸爸媽咪話咖啡好香，細妹就話杯雪梨茶有啲甜！服務方面，啲職員都係有禮貌嘅，我哋食完嘅時候，有個女人唔知嘈咩，淨係聽到佢講等得耐，我見個職員係咁講唔好意思，就算我book咗
我都係預早兩個鐘book枱，接電話個女仔都接受，今日咩日子呀，我相信好多餐廳都唔會接受囉！都算幾好啦！我哋比booking時間早到2，3個字，有個帶圍裙嘅女職員問我幾位，有無book位，我話有，佢立即同我講唔好意思，要等一陣，眼見入面full哂，出面有幾個等緊，心諗有排等啦！但係都係等咗4，5個字度，可能book咗嘅關係，所比其他等緊嘅客人早入去啩！
入到去，當然order咗最期待嘅意大利啦，仲有卡邦尼，兩個all day breakfast，飲品方面叫咁杯果汁，兩杯咖啡，同埋雪梨茶！
個意大利飯果然無失望，菇菌多，仲有隻大蘑菇係底，出面好難用咁嘅價錢食到，卡邦尼夠cream，好夠味，兩個all day breakfast就普通咗啲😊，但waffle唔差嘅，個炒蛋都滑嘅！
飲品方面，我就飲果汁，味道唔似用糖水溝出黎，好有果味，爸爸媽咪話咖啡好香，細妹就話杯雪梨茶有啲甜！
服務方面，啲職員都係有禮貌嘅，我哋食完嘅時候，有個女人唔知嘈咩，淨係聽到佢講等得耐，我見個職員係咁講唔好意思，就算我book咗位都要等啦！不過事實又真係幾多人等位，加上炎熱天氣，邊個願等呀！😨
跟住到埋單果時，職員遞上粒朱古力，講句母親節快樂，算係咁，呢啲日子，好多餐廳都會推出啲甚麼套餐，賺你一筆先，呢間餐廳做返平日之餘，仲要有啲小心思，個老闆都值得一讚！
整體而言，不錯的一餐，媽媽都好滿意！
Post