#OMG (Closed)

今日聖誕節，一家五口去奧海城行下，見到有間叫#OMG 嘅港式西餐廳試下個下午茶，入面嘅裝修好young, 因為我只食過自己嘅野，所以只講一道菜嘅食評。我叫左個迷你日式海鮮蛋包飯（40蚊），好快就有得食，叫得迷你當然都係唔太大份，但下午茶黎講係夠食嘅，味道唔錯，但海鮮比較少。蛋煮得夠滑，入面嘅飯唔係平時嘅茄汁煮，似係用日式醬油煮過，唔太濃味，加埋佢嘅蕃茄牛肉汁落d飯度食就啱啱好啦。海鮮當然都係急凍海鮮，有蝦，有魷魚粒。40蚊包一杯餐飲其實又不錯，如果細食嘅人仲可以當early dinner 咁就好抵啦。