甜點

Open Now

Now Closed

同老公，我妹行完悅來就諗住食下糖水，就行到黎呢間試下，店舖小小，所以要等一陣先有位，一入到去就見到度寫住英式花茶任飲，係桃味嘅，好香嘅桃味但飲落就冇甜味嘅。我妹叫左個雪糕小丸子，雪糕係自己揀味嘅，我妹揀左cookies and cream ,芒果都算甜，小丸子偏硬，入面仲有西米露，仲有好多芒果汁。士多啤梨脆磚：都係cookies and cream嘅味，都幾多士多啤梨，個磚好脆，要等十分分鐘因爲係即整 所以先咁脆。個軍艦嘅法包有少少淋身，但個千島醬唔多夾，入面仲有芝士同芝士粉 個煙火腿係似m記嘅煙肉蛋漢堡，仲有2塊蕃茄同生菜。個沙律就有2條蟹柳，一粒車厘茄，粟米同生菜，仲特別係有椰果，呢樣就唔多夾啦。但一樣係用千島醬。埋單132蚊都唔算貴。不過有d員工就黑面，令人失望。