Video
Read full review
2021-11-14
26 views
上次食燈籠滷味發現對面有間舖頭大排長龍，所以就mark低咗早兩日去試下。呢間舖頭一睇佢個招牌就知主打食牛，佢最出名嘅係吉列炸和牛，店員首先會喺牛肉嘅表面上一層粉漿然後輕輕炸一次直接上枱，並附上一個迷你嘅鐵板等食客可以因應自己想食嘅熟度去烹調，個過程都幾得意㗎！今次我除咗叫左呢個吉列炸和牛套餐之外，我仲叫咗每日限量供應嘅Prime Flat Iron Steak試吓。首先講吓個Flat Iron Steak，我今次叫咗七成熟，不過因為牛嘅厚度，食到中間我就覺得五成熟左右啦！牛肉嘅質感都唔錯，牛肉香味幾出，唔好睇佢好細舊咁，佢個套餐配埋白飯沙律同埋前菜，一個女仔真係食唔晒架！比起flat iron steak,我個人更加推介吉列炸和牛，牛肉本身上嘅粉漿唔係好厚，而且都有足夠嘅調味之餘亦都唔會蓋過牛本身嘅味道，當你喺鐵板上面煎完之後，牛肉既油脂發更加激發晒出嚟，令到牛肉更加香同埋軟滑。另外而家叫一杯嘢飲店家會送一份小食，所以我就叫咗杯柚子梳打另外送一份雞翼，柚子梳打合格啦，不過雞翼都幾有驚喜，雖然蒜香唔係好出不過蜜糖嘅甜味好重，同雞翼真係好夾！呢間餐廳總括嚟講我都推薦嘅，大家如果經過銅鑼灣可
呢間舖頭一睇佢個招牌就知主打食牛，佢最出名嘅係吉列炸和牛，店員首先會喺牛肉嘅表面上一層粉漿然後輕輕炸一次直接上枱，並附上一個迷你嘅鐵板等食客可以因應自己想食嘅熟度去烹調，個過程都幾得意㗎！
今次我除咗叫左呢個吉列炸和牛套餐之外，我仲叫咗每日限量供應嘅Prime Flat Iron Steak試吓。
首先講吓個Flat Iron Steak，我今次叫咗七成熟，不過因為牛嘅厚度，食到中間我就覺得五成熟左右啦！牛肉嘅質感都唔錯，牛肉香味幾出，唔好睇佢好細舊咁，佢個套餐配埋白飯沙律同埋前菜，一個女仔真係食唔晒架！
比起flat iron steak,我個人更加推介吉列炸和牛，牛肉本身上嘅粉漿唔係好厚，而且都有足夠嘅調味之餘亦都唔會蓋過牛本身嘅味道，當你喺鐵板上面煎完之後，牛肉既油脂發更加激發晒出嚟，令到牛肉更加香同埋軟滑。
另外而家叫一杯嘢飲店家會送一份小食，所以我就叫咗杯柚子梳打另外送一份雞翼，柚子梳打合格啦，不過雞翼都幾有驚喜，雖然蒜香唔係好出不過蜜糖嘅甜味好重，同雞翼真係好夾！
呢間餐廳總括嚟講我都推薦嘅，大家如果經過銅鑼灣可以試吓！
Post
