蘇媽.蘇媽馬來西亞茶餐室 (Closed)

喺香港如果想食馬拉菜的話，我一定會揀蘇媽蘇媽, 早幾日又涼咗，想搵個地方有碗熱湯飲，就醒起去加連威老道嘅蘇媽蘇媽,由於我哋去到嘅時候仲係好早，本來想喺外面So Bar飲杯野,不過朋友話想留肚飲肉骨茶,我哋首先嗌咗一個豬腳灣肉骨茶,一份咖吔多士,一份高佬麵配雞扒,飲品方面我叫咗杯檸檬薏米水，朋友就揀咗杯桔仔話梅水! 豬腳灣豬腳肉質夠腍而且冇骨,豬皮又已經煮到軟腍腍得來又有種入口即溶嘅感覺，而且份量唔少！由於肉骨茶可以免費添飲，所以我哋都飲咗大概五六碗！飲完之後全身暖笠笠好適合冬天飲用！餐廳仲有教我哋肉骨茶嘅飲用方法飲用四部曲，不妨可以參考吓！咖吔多士烘得香脆,咖吔醬配埋牛油甜而不膩,記得要趁熱食!高佬麵配雞扒, 雞扒煎得外皮香脆，而且仲大有肉汁,配有一隻溫泉蛋，仲有花生魚仔之類嘅配菜,將溫泉蛋同麵撈埋一齊食，非常惹味