The Francesco

Open Now

Now Closed

我地lunchtime黎食，有lunch set，一個西冷扒既set都係$128，意粉set都係$78，每個set都有湯/沙律，主菜，飲品，亦可以加錢要甜品🤭香煎肉眼燒汗配薯菜肉眼扒都幾大塊幾厚身，切開牛肉都係粉嫩色，牛肉口感鮮嫩，牛味香濃，有適量肥膏，熱辣辣妹新鮮，唔駛點醬汁都好濃味！伴碟既薯條亦炸得好香脆，加上燒南瓜同翠肉瓜，又有茄汁點薯條，亦可以用燒汁點雜菜，味道唔錯！香蒜蜆肉意粉意粉一上枱就聞到好香蒜蓉味，蜆肉雖然唔係好十隻，但數量好多，而且真係落佐好多蒜蓉，蒜味香濃，意粉又係煙煙韌韌，好有質感！香煎羊架燒汁伴雜菜薯蓉羊架就唔係午餐，另外再叫既，一碟有3件，兩件大啲一件細啲，但味道好香，肉質好細嫩，羊膏既油脂係口腔爆發，油香十足，而且唔會太騷，羊味係口腔慢慢停留！伴碟既薯蓉就有啲口感，係會有啲薯仔粒既，無咁單調！Tiramisu呢個係跟餐加既，絕對應該一人叫一碟，太太太好味啦！成個質感都好軟滑，香甜可口，咖啡味同朱古力味平衡得岩岩好，加埋奶香，真係完美既飯後甜品！