甜甜蜜蜜 (Closed)

呢度一向賣甜品，世界艱難，最近做埋午市，今天中午落街已見佢打開門口做生意，主打賣和牛太陽飯，仲有幾款飯盒，雖然望落同一般學生頹飯冇乜分別，但係學生價$30，食嘅係即叫即煎嘅和牛及太陽旦，非雪藏薄如紙的無味牛雜碎肉，現埸煎都幾吸睛和吸引食客，滿足視覺及嗅覺，仲有燒汁及白汁選擇，我要燒汁。和牛都有8一10粒，細細粒，牛味濃，洋蔥煎得夠林，入晒味，微甜，好餸飯，另有2大粒牛丸之類，應混了其他肉，有小小香料味，味道0K，2粒大丸相信是彌補和牛size較細。煎旦一隻半生熟，是小小太陽旦。$30一個和牛太陽旦飯絕對0K呀。