Helen’s

Open Now

Now Closed

適逢今日係星期五，放工後與朋友行過厚福街見到一間充滿東南亞風味嘅酒吧，當然即刻入去chill一chill一出lift就俾酒吧環境吸引住，牆上佈滿東南亞的雕刻，枱櫈亦係木製品，配上五光十色的燈光及輕鬆的音樂，實在令一日ge疲勞都消除我哋叫咗炸魚薯條、香辣烤雞翼、一口炸嫩雞。所有野都即叫即整，薯條灑上一層黑椒，十分惹味，炸魚用上新鮮嘅魚柳，外皮脆而薄，肉質滑溜，充滿魚味，必定要趁熱食。雞翼剪成單邊，方便食用，香辣味道出眾，好適合送酒。一口嫩雞食落啖啖肉，充滿油脂。朋友叫咗一杯sangria，呢杯酒混合了紅酒同白蘭地，酒味香濃，配以水果清甜，十分適合女仔飲用。值得一提，侍應服務態度很好。用餐時我唔小心跌左餐具，正打算用後備餐具食住先之際，侍應即刻察覺到，並遞上新一套餐具給我，服務周到。無論食物味道、環境、服務性價比都非常高，必定會再encore ！