Plato Cafe & Bistro (彌敦道) (Closed)

約左partner 攞野，順便食返餐聯誼下，佢介紹佢公司附近的樓上 cafe 。原來彌敦道有間 CaSa 酒店，而酒店𥚃面就有間西餐，唔係老馬識途，跟本唔會識得來。上到去都唔少人，朋友話呢間係油麻地區打工仔的高尚飯堂，所以多人食都唔奇。美國安格斯西冷牛扒食物幾好喎，佢食牛扒餐，唔算好大份但真係好鬼香。啱啱煎好就上盤，侍應仲要急急腳送餐，所以件扒堅熱辣。我試左一舊，真係好味喎。西冷一般較為有咬口，重牛味，但好彩佢冇乜筋，唔會韌。仲有燒汁同芥末可以點 tim 。而且見佢配菜都多，好精神。香蒜白酒蜆意大利粉我就食蜆仔意粉，意粉入味有香蒜味，蜆仔多但細細隻，最緊要新鮮，不過完全食唔到有酒味。除了蜆仔同意粉，其實仲加左好多配料例如青紅椒同沙律菜等，交足功課。餐湯係南瓜湯，偏淡 ，一般啫；蒜蓉包香脆好味。另一驚喜係西班牙咖啡，好多年冇飲了⋯⋯ 一球雲呢拿雪糕加上凍咖啡，比例完美，濃淡適中，令人回味。環境幾好，枱與枱之間有距離感，唔會嘈又傾到計。服務都唔錯，快手快腳。埋單好似三百幾，性價比高，算好抵食嫁 。