鳴越越式料理

Open Now

Now Closed

星期日同老婆無所事事去左上環先施逛，不過上環先施分店原來好細間，好快已經行完，見到對面馬路呢間鳴越越式料理有88折優惠，決定入去嘆返個下午茶，順便避一避暑。上一次去越南都已經係3年前嘅事，但係對越南嘅美食仲記憶尤新，因為越式法國菜、湯河、札肉等食物我地返香港之後都經常食得到，但越南特色嘅滴漏咖啡就比較少見，難得遇到當然要點一杯試下啦。由於未食午餐，我地叫左兩個下午茶餐，加配左兩款小食，兩個人share應該好夠食。越式滴漏咖啡 $20跟餐咖啡壺擺係咖啡杯杯口上面，咖啡透過金屬過濾片一滴一滴落下，另外咖啡杯底先鋪了一層煉奶，咖啡滴完之後攪勻，煉奶的甜味已經足夠，咖啡濃郁，又濃又苦又甜，味道唔錯。咸金桔 $8跟餐老婆喉嚨唔舒服，佢點左呢款咸金桔。香茅豬頸肉湯檬粉 $45下午茶餐豬頸肉份量都幾多，外層微脆，豬頸肉爽滑彈牙，湯檬加左香葉而且湯底味濃，幾惹味。香茅豬肉湯檬粉 $42下午茶餐香茅豬肉比香茅豬頸肉平$3，老婆比較喜歡香茅豬肉，因為佢鍾意食比較腍身嘅肉，我就比較鍾意豬頸肉。香茅雞肉串燒 $22下午茶餐可以優惠價追加小食，我揀左雞肉串燒，串燒雞肉外脆內嫩，醬汁微辣，非常惹味。上湯生菜 $1