好燒式串燒專門店 (砵蘭街)

Open Now

Now Closed

尋晚同朋友約食飯～見到呢間冇乜負評心諗應該唔會差得去邊！去到門口見到冇乜人都覺得伏伏地，唔理照入，加埋我哋舖頭得兩枱客！舖頭感覺唔太乾淨一坐低就吹我哋落單～d阿姐冇乜禮貌d食物黎得好快但凍嘅又唔新鮮又咸同好油總之就難食，我哋食到一半時開始有d客喇～但都仲有好多位嘅！點知我哋未食完d阿姐就叫我哋食快d同埋單，佢哋想拍埋d枱俾其他客坐人哋有6個人呀～但我見個6位尊貴嘅客人其實已經坐低嘅喺另一邊！我哋話未食完喎～阿姐用唔耐煩語氣同我哋講咁你哋拎埋d野食企埋一邊食埋佢先走喇！咩料呀～周圍都係位點解一定要我哋走讓俾其他人，我哋冇錢俾咩！依家真係趕客喎！以後都唔會再黎，蝦同生蠔唔新鮮仲有d味，食完返到去半夜開始肚痾燒雞泡魚乾，難食極都有限不過黎到時係凍嘅燒茄子冇乜蒜蓉味好多味精唔好味牛油金菇+芝士黑松露墨西哥薄餅 ，金菇冇牛油味，薄餅好咸，但都係凍嘅蒜蓉燒生蠔，唔新鮮好咸。