Video
Read full review
2022-01-01
837 views
幾年前同朋友波比嚟過鮨海食晚餐. 已經冇乜印象. 今日再試午餐.餐廳入口幾有趣. 先落樓梯. 一邊去鮨海. 另一邊行兩步再落樓梯去水療. 餐廳裝修普普通通. 晚市有做廚師發辦. 今日點左特選壽司套餐. 坐吧枱, 壽司逐件上. 性價比十分高.前菜: 沙律. 普通. 茄子, 比正常嘅茄子好食. 呢兩樣我本身唔鍾意食.第一件... 魴鮄魚. 前菜都未食完就上. 食到好短暫嘅柚子味. 除此之外, 味淡. 第一件嚟講可以接受.第二件... 伊佐目. 影漏咗相. 味淡. 第一件未食就嚟咗. 食唔出味道. 慢番少少好啲喎!第三件... 赤貝. 新鮮. 爽口. 開始有驚喜.甜蝦. 明顯特別肥大. 口感似食緊好大隻嘅蝦. 膠口. 唔錯!鱆紅魚. 重魚味. 口感充實. 驚喜之一.池魚. 落咗薑蓉. 薑蓉有少少搶咗味. 十件壽司中嘗試攪變化. 可以接受.深海池魚. 第一次連續食池魚同深海池魚. 好特別嘅安排. 係唔係放得太後? 定係啱啱食完薑蓉? 味道比想像中淡. 都OK嘅.拖羅. 冇講大中細就應該係細拖羅. 肥美.鯖魚. 好少見. 類似係秋刀魚嘅質地. 十件壽司裏面一定要有呢類. 做到! 講番鯖魚, 重口
餐廳入口幾有趣. 先落樓梯. 一邊去鮨海. 另一邊行兩步再落樓梯去水療. 餐廳裝修普普通通. 晚市有做廚師發辦. 今日點左特選壽司套餐. 坐吧枱, 壽司逐件上. 性價比十分高.
前菜: 沙律. 普通. 茄子, 比正常嘅茄子好食. 呢兩樣我本身唔鍾意食.
第一件... 魴鮄魚. 前菜都未食完就上. 食到好短暫嘅柚子味. 除此之外, 味淡. 第一件嚟講可以接受.
第二件... 伊佐目. 影漏咗相. 味淡. 第一件未食就嚟咗. 食唔出味道. 慢番少少好啲喎!
第三件... 赤貝. 新鮮. 爽口. 開始有驚喜.
甜蝦. 明顯特別肥大. 口感似食緊好大隻嘅蝦. 膠口. 唔錯!
鱆紅魚. 重魚味. 口感充實. 驚喜之一.
池魚. 落咗薑蓉. 薑蓉有少少搶咗味. 十件壽司中嘗試攪變化. 可以接受.
深海池魚. 第一次連續食池魚同深海池魚. 好特別嘅安排. 係唔係放得太後? 定係啱啱食完薑蓉? 味道比想像中淡. 都OK嘅.
拖羅. 冇講大中細就應該係細拖羅. 肥美.
鯖魚. 好少見. 類似係秋刀魚嘅質地. 十件壽司裏面一定要有呢類. 做到! 講番鯖魚, 重口味. 有一種可以接受到嘅腥味.
第十件... 燒左口魚. 燒咗一定好食. 油香滿溢. 加埋脆卜卜嘅紫菜. 掂! 放最後啱啱好.
最後係手卷. 吞拿魚茸手卷. 好味喎.
第十一件? 玉子. 送嘅. 好食.
影番個門口.
午餐包咗麵豉湯同甜品. 個麵豉湯超級熱同好飲, 抵讚!
總結一下: 壽司逐件上, 以午餐嚟講性價比好高. 策略係要坐吧枱.
餐廳裝修少少舊, 整體都Ok. 服務殷勤, 係頭段上菜速度快咗 (我明白嘅... 午市套餐唔應該要求多多). 壽司唔會逐件詳細講解, 但師傅有問必答.
值得推介. 有機會再嚟.
Post
