Paper & Coffee

Open Now

Now Closed

琴晚咁啱要去中大聽一個講座，所以就喺附近食個飯先。聽朋友講知道最近呢度開咗間cafe，本身仲要係精品咖啡店，緊係要去睇睇。入到去感覺個氣氛非常舒服，可以除鞋坐地氈或者坐卡位，但人比較多，要用啲時間搵搵位。本身好想試吓佢哋個咖啡，不過見太夜就冇買到。佢哋嘅飯係可以自由配搭，基本款有野菜加珍珠米飯，可以另外再加唔同嘅餸，如果鍾意食炸嘢嘅都可以叫啲炸魚餅、炸蝦，不過就咁加埋都要四十幾蚊，喺大學來講性價比唔算好好，加埋杯咖啡60-70蚊真係幾貴咗啲。如果得閒坐耐啲，其實環境咁正又真係抵返哂。我因為趕趕地時間就揀咗溫泉蛋野菜飯加咖哩汁，其實個味道幾好，成個感覺都有啲似muji，而且個分量都夠飽，不過感覺就真係唔太特別。如果中大同學食厭左cc can都值得黎轉下口味既，而且個環境真係無敵，咖係文青都變文青。