Video
Read full review
2024-08-29
1701 views
餐廳：中川 (銅鑼灣)地址：銅鑼灣開平道1號Cubus 3樓B號舖想試試多次榮獲日本第一嘅大分豐後和牛🐂？想一嚐正宗日本師傅嘅功架同造詣？未有機會返家鄉日本但想先睹為快食壽喜燒🔥？我諗啱啱4月由Omakase餐廳轉型做傳統關西風壽喜燒嘅壽喜燒店——中川就啱晒你😍中川喺日本請嚟幾位資深師傅👨🏻🍳，由秋田縣嘅日籍主廚板垣和幸先生，帶領廚師團隊打造日本正宗關西風壽喜燒比每一位食客🇯🇵平日午市過嚟，餐廳10幾個座位全部坐滿，想過嚟食餐好嘅最好趁早book位📞。午市套餐由$280至$1080不等，今次我就叫咗$480嘅「絢AYA一人前」，有前菜、和風茶碗蒸蛋、和牛壽喜燒2片(各60g)、北海道白米飯配味噌湯及漬物、日本雪糕，白飯可以無限添加，所以一人份量嚟講都算足夠🤓✝️川蝦南蠻漬夏日炎炎食呢個清涼嘅前菜最適合不過，將時令日本水茄子浸落櫻花蝦醋汁當中🍆，甘甜多汁嘅滋味透心涼，另外仲有原隻川蝦🦐，肉質爽彈外層微脆，層次感都幾豐富👍✝️蟹肉高湯蒸蛋用咗被稱為「日本一」(日本人評分Number One)嘅「日本一こだわり卵」，取自200-300日大嘅公雞🐓，比一般雞蛋多出接近30倍胡蘿蔔素🥕，食落濃郁有
地址：銅鑼灣開平道1號Cubus 3樓B號舖
想試試多次榮獲日本第一嘅大分豐後和牛🐂？想一嚐正宗日本師傅嘅功架同造詣？未有機會返家鄉日本但想先睹為快食壽喜燒🔥？我諗啱啱4月由Omakase餐廳轉型做傳統關西風壽喜燒嘅壽喜燒店——中川就啱晒你😍
中川喺日本請嚟幾位資深師傅👨🏻🍳，由秋田縣嘅日籍主廚板垣和幸先生，帶領廚師團隊打造日本正宗關西風壽喜燒比每一位食客🇯🇵
平日午市過嚟，餐廳10幾個座位全部坐滿，想過嚟食餐好嘅最好趁早book位📞。午市套餐由$280至$1080不等，今次我就叫咗$480嘅「絢AYA一人前」，有前菜、和風茶碗蒸蛋、和牛壽喜燒2片(各60g)、北海道白米飯配味噌湯及漬物、日本雪糕，白飯可以無限添加，所以一人份量嚟講都算足夠🤓
✝️川蝦南蠻漬
夏日炎炎食呢個清涼嘅前菜最適合不過，將時令日本水茄子浸落櫻花蝦醋汁當中🍆，甘甜多汁嘅滋味透心涼，另外仲有原隻川蝦🦐，肉質爽彈外層微脆，層次感都幾豐富👍
✝️蟹肉高湯蒸蛋
用咗被稱為「日本一」(日本人評分Number One)嘅「日本一こだわり卵」，取自200-300日大嘅公雞🐓，
比一般雞蛋多出接近30倍胡蘿蔔素🥕，食落濃郁有厚度，蛋香更加喺出眾😎，面頭再加咗有絲絲蟹肉嘅蟹肉高湯，鮮味蟹香更上一層樓⬆️。食到咁上下店員送上麵豉湯同由餐廳師傅自家醃漬嘅漬物，酸酸甜甜幾開胃😋
✝️和牛壽喜燒
今日嘅重點緊喺嚟自鹿兒島嘅薩摩和牛同三重縣嘅松阪和牛，兩款A4-A5級黑毛和牛都喺用西冷前腰脊(Striploin)部位，
每片切片都有一定厚度同夠大塊，豐富而唔會過多嘅雪花脂肪含量均勻細緻，賣相一流。
和牛帶嚟醇厚濃香嘅牛羶香味🤩，
配上福岡縣白水晶糖同和歌山手工醬油秘製而成嘅壽喜燒汁，蘸埋日本一こだわり卵嘅蛋汁，
仲有北海道夢美人米飯🍚，入口即溶嘅迷人滋味好食到招架唔住🤤
另外仲有蔬菜拼盤，全部都喺由日本京都運過嚟✈️，有硬豆腐、丁字麩（麵筋）、洋蔥、冬菇同春菊(即我哋叫嘅皇帝菜)，撈埋壽喜燒汁同蛋漿一切食同樣出色👏
最後以日本雲尼拿雪糕配自家製紅豆蓉作結，餐廳用咗幾款紅豆混合而成紅豆蓉，加上帶有濃郁雲呢拿香嘅綿密雪糕🍨，
配多杯巴西日曬豆濃縮咖啡☕️($68)，呢餐真喺滿足感爆棚🥰
Post
